May temang "Kids at Heart" ang pinailawang recycled Christmas Tree ng Tanay na gawa sa plastic bottles at softdrinks, cups at iba pa. Pinasinayaan ito ng Pamahalaang Panlalawigan sa pangunguna ni Gob. Rebecca Ynares na layong ipaalala sa lahat na ang recycled Christmas Tree ay simbolo ng pagbangon sa pandemya at pagmamahal sa sarili, kapwa at kalikasan. Dumalo sa pagdiriwang sina Vice Gob. Junrey San Juan, Bokal Dino Tanjuatco, Mayor Rex Tanjuatco, Sangguniang Bayan, mga Kapitan, YES Team at mga mamamayan ng Tanay. Samantala, namigay din ang Pamahalaang Lalawigan ng mga tablets at cash payout sa mga Iskolar ni Gob.