Patuloy na suportado ng mga LGUs at mga mamamayan ang municipal- wide bamboo planting activity ng Pamahalaang Panlalawigan ng Rizal sa pamumuno ni Rizal Gob. Nini Ynares, upang lalong mahikayat ang lahat sa pagtatanim at maisulong ang ibayong pangangalaga sa kapaligiran. Sa brgy. Cayabu, Tanay, Rizal isinagawa ng YES Team kasama sina Vice Gob. Junrey San Juan, Mayor Rex Tanjuatco, Konsehal Jimmy vista, mga Kapitan, NGOs, kapulisan, mga bumbero at mga mamamayan ng Tanay ang bamboo planting ngayong araw. Bukod sa planting ay isinasagawa din sa iba't ibang bayan ang pagpapatupad ng iba pang components ng YES Program tulad ng BUSILAK at YES Community Garden na nagsusulong din ng Eco-Tourism sa mga turista ng lalawigan. Lubos din ang pasasalamat ni Gob. Ynares sa mga LGUs at mga mamamayan na patuloy na sumusuporta sa YES Program.