Sa pangunguna ng Philippine National Police, inilunsad nito ang Bisikleta Iglesia Patrol kung saan makikitang sakay ng bisikleta ang mga kapulisan; on the go para umalalay sa mga tao sa panahon ng Bisita Iglesia at alay lakad. Inilunsad ng PNP ang national initiatives na ito na suportado ng Rizal-PNP kung saan nag deploy sila ng mga kapulisan sakay ng bisikleta upang pumatrolya sa mga lugar na maaring nangangailangan ng Police Visibility at Police Assistance tulad ng mga simbahan o pook dasalan , ito ay para tiyaking maging ligtas ang paglalakbay ng mga taong makikilahok sa ibat ibang aktibidad ngayong Semana Santa. Kilala ang Antipolo Cathedral na isa sa pinupuntahan ng mga nag-aalay lakad kaya nangangailangan ng karagadagang police visibility na tinugunan naman ng Bisikleta Iglesia. Pangunahing layunin ng programang Bisikleta iglesia ang seguridad ng mga kababayan sa paggunita ng semana santa.